نحلم سوى

لو كل واحد مننا ليه حلم نفسه يحققه
نفسي أبقى صاحب شركة ورجل أعمال كبير؟
نفسي أبقى أحسن واحد في تخصصي ؟
نفسي أبقى عالم من العلماء ؟
نفسي أدخل الجنة ..............اللهم ارزقنا الجنة يارب
حاسس إن الحلم كبير قوي وصعب يتحقق ، وطبعاً هتفضل تحلم طول عمرك إنك تحققه ، أو ممكن الدنيا وهمومها تنسيك حلمك.
مشكلتنا ياجماعة إننا مش حاسين إننا ممكن نغير العالم من حولنا
أنا هغير العالم
أيوه أنتَ وأنتِ
سهلة والله ياجماعة....بس محتاجين نعرف إزاي نحلم؟
الأول حاول تعرف نفسك ، وتعرف ايه هي اتجهاتك ، وتعرف أنت عايز ايه بالضبط.
وتيجي هنا تكتب أنا نفسي أتغير وأحقق حلمي ........استنى أوعى تقول حلمي , لأن حلمك ده هيفيدنا احنا كمان ، لأننا كيان واحد ، فيبقى حلمك ده جزء من حلمنا....الحلم الكبير.
تتعاهد معانا وتحط لنفسك خطة وتلتزم بوقت معين , أيوه هيبقى ليك موضوعك الخاص ، إللي كلنا هنساعدك بآراءنا وأفكارنا ، وكمان هنتابعك ، وهنسألك أنت وصلت لحد فين، وهنشجعك ، وهنساعدك كمان.
بالله عليكم عايزين نثق في نفسنا شويه ، ونشارك بعض فعن أبي موسى الأشعري رضي الله عنه قال: قال رسول الله صلى الله عليه وسلم : "المؤمن للمؤمن كالبنيان يَشُدُّ بعضُه بعضاً – وشبك بين أصابعه" متفق عليه.